Até 12 organizacións reclaman nun manifesto ”soberanía” para acabar ”co atraso secular” da Galiza

GalizaNova

Agir, Bloque, Briga, Causa Galiza, CIG, COG, Comités, Fruga, Galiza Nova, Isca!, Liga estudantil e Nós-UP fan pública unha declaración conxunta co gallo do Día da Patria. É a segunda acción que promoven conxuntamente após a manifestación do 3 de Marzo

“Na carencia de soberanía radican a inmensa maioría dos graves problemas que padecemos como pobo e como nación” e o “atraso secular” que carrexa Galiza deriva “da explotación económica, da dominación política e da asimilación cultural” á cal se ve sometida por España, un estado que non permite o exercicio do dereito de autodeterminación recollido nos tratados e protocolos internacionais.

Nestes termos foi redactado o manifesto conxunto en prol da soberanía para o pobo galego que veñen de facer público 12 organizacións que o 3 de marzo promoveron unha mobilización conxunta baixo o lema ‘Fronte á corrupción e á destrución social e cultural, soberanía nacional’. Así, asinan o escrito Agir, Bloque, Briga, Causa Galiza, CIG, COG, Comités, Fruga, Galiza Nova, Isca!, Liga estudantil e Nós-UP.

Todas cadran no seu convencemento de que a situación social e actual do noso País “sería outra” se posuíse un sistema financeiro propio e se puidese facer parte de maneira directa e sen intermediarios nas negociacións que se realizan en Bruxelas ao redor das políticas agrogandeiras, pesqueiras “ou as que están a rematar co noso sector naval”.

Ler @ Sermos Galiza

Leave a Reply

Your email address will not be published.

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>